Mir hän jetz z Bärn vom Lac Léman
im Bundesroot une Grand-Maman.
Die näggschte Wahle sin nim wyt:
my Urgrossmuetter hätt no Zyt!

Wär ka hit scho no s Ässe gniesse
ohni s mit dr Gsundhait z biesse?
S gsindscht do dra ych kennt fascht wette,
isch hindedry no d Cigarette!

S eleggtronisch Gsichtskontrolle-Grät
isch bim e Zircher nit vyl wärt.
Dr Grund isch, sehsch bi dääne schlicht,
vor lutter Schnuure gar kai Gsicht!