Jetzt het d Ruth Dreyfuess ihri alte Glaider gnoo
und statt die 3. Ruth isch d Micheline aanekoo.
Die ka nid besser syy, do mache mir e Wett
well die der Röschtigrabe zwische de Oore het.

Das isch d Frau Wänger, Mitti 70, und no zwääg.
Si isch wie jeede Daag uf ihrem Arbetswääg.
Si het e Arbet gfunde - nid e so e schwääri:
Si goht go Fänschter putze uf der Dalbefääri.

Mir hänn is gfroggt, ob mir e Expovärs wänn bringe?
Denn hänn mer dänggt, es wird e jeede Bangg ain singe!
Und wenn e jeede Bangg sy Expovärs will singe,
hänn mir is gsait - mien mir nid au no aine bringe!

Jä jetzt ka s Tele Basel wider emol lache.
Si derfe jetzt fir Bier und Wyy Reglaame mache.
Das isch e wichtige Entschaid wo neetig isch:
Dä Sänder halt'sch nur us wenn de bsoffe bisch!





Unseri CD 25 Joor Gasladärne ka me usschliesslig iber unseri Mailadrässse bstelle.