Melodie: Là-haut sur la montagne ...

Deert oobe-n-uff em Minschter,
hänn miir dää Ängel bsuecht.
Mer styyge ganz wyt uffe
und hänn e baar Mool gfluecht.
Jetzt steehn mer in sym Stiibli.
Woo‘ s vom Minschter Fimfi schlooht,
dringgt äär no schnäll sy «Red Bull» uus
und fliegt ins Ooberoot.

Melodie: Dr Hansdampf im Schnooggeloch...

Dr Hamfdampf im Schnooggeloch
het alles waas me wott.
Dr Hamfdampf im Schnooggeloch
schäärt sich um kai Verbott.
Doch waas äär wott, daas daarf äär nit
und waas äär daarf, daas wott äär nit.
Dr Hamfdampf im Schnooggeloch
isch wie dr Bush, ... bigott.

Melodie: Vo Luzärn uf Wäggis zue ... / I am sailing ...

S letscht Joohr hänn mer d Spaarsau gschlachted,
hol-dje-gu-gu, hol-dje-gu-gu.
S Bschtegg verkauft und s Huus verpachted,
hol-dje-gu-gu-gu-gu.
Und mit em letschte Rappe denn
hol-dje-gu-gu, hol-dje-gu-gu
und mit dr Kappe vom e Senn
sinn miir an d EXPO koo.

Und hänn gwaarted, hänn deert gwaarted,
miir hänn gwaarted all the time,
numme gwaarted, sinnloos gwaarted
... und denn sinn mer wiider haim.