Värsbyspiil Fasnacht 2003:

Y kenn e Frau, die isch wäg iire Falten und Ritze,
zeme Scheenhaits-Chirurg go d Runzle spritze.
Zaalt het si Zää-Dausig-Vierhundert Franggen und Siibe,
jetz isch s Hirni verschwunden und d Runzle sin bliibe!

Jetz kenn y äntlig wägeme dytlige Fingerzaig,
dr Unterschiid zwische Filz und Daig:
Filz isch, wenn sich alli korrupt verhalte
und dr Daig - jä - dää duet dr Filz verwalte!

D Hypothek vom mim Gartehyysli han y gottseidangg,
verschoobe vo dr Credit Suisse zer Raiffyysebangg.
S Risiko isch mir z gross gsii, ass wenn dr Müülemaa fliegt,
dää no my Hyysli, als Abgangsentschädigung griegt!