Ooben am Minschter - uff ere Baudrääger-Schiine -
isch mer dr Ebner als Aengel erschiine.
Zerscht main i, dr Hailig Gaischt haig en bsässe.
S hailig het gschtumme - dr Räscht kasch vergässe.

Mi Firma het s bescht "rating" gha:
e "triple A", dasch AAA.
Das "rating" han I nie me gsee.
Jetzt haisst si wieder ABB.

By dr Hermäss leen si ooni Zwägg
aifach s gwoonti - bscht - ewägg.
Jetzt muess sech der Pabscht mit em Gedangge draage,
As d Lyt statt: Oo Pabscht ...,aifach Opa... saage.