Si hän dr Bush vor s Färnseh gstellt zem irgendebbis schneere.
Do maint e Bueb, jetz kenn me wiider s Säbelrassle heere.
Doch d Mamme sait: Ych glaub, du kasch kai Säbel heere, Kind;
Was kläpperet, das sin die lugge Schruube in däm Grind.

Mien wirglig an dr Fasnacht in de Gasse, in de änge,
Sich jedes Joor no meh vo däne Schwoobemasse dränge?
Dass d Schwoobe ganz verschwinde, also das kasch glatt vergässe;
Doch feen si immerhin scho a, sich gegesytig z frässe !

Dä Wolf, wo isch ko wandere, isch bees in d Hämmer gloffe;
Är het halt, won er ane kunnt, nur Schoof und Lämmer troffe.
Und Wölf so bi de Schööfli, das isch Unsinn im Quadrat –
De losch jo au kai Prieschter in e Knabe-Internat !