Der Röschtigrabe trennt schynts d‘Dütschschwyz vo der Romandie
die Wälsche fühle sich dur das by uns nie rächt derby
me füllt dä Grabe mit der Expo, das isch e guet Wärgg
nur gsehsch jetzt nimm ins Wälschland wägem Expo-Schulde-Bärg.

In Basel kasch im Nohverkehr bald Zyt in Masse spare
denn gly kasch mit em Teschewe zem Flugplatz uuse fahre
und wenn de denn dert usse bisch, no dien sy dir verroote
do hänn mer nur no s’Duty Free, d’Flugi stehn in Klote

Wo isch denn au s’Verkehrsbüro, mir kennes nimme finde,
das isch doch syt mir’s kenne bi der Amazone hinde!
Und wo mer denne froge sait ys soone Babbeheimer
S’isch örtlig im Container aber personell im Eimer