Dä Drämli-Ingenieur, das Niiderfluur-Genie,
muess ganz e grosse Fään vom Mani Matter syy.
Denn jedesmool, wenn e Combino goot uf d Runde,
no stoot er deert und singt: Y han e Dram erfunde,
wo immer nach zwai Stunde blybt stoo.

Si het e Huffe Gäld, und si gits us, ringsum,
fir der FCB und firs Solarium.
Und sit em Fuesspilz letschte Summer sait der Maa,
si sott halt äntlig au en aigene Whirlpool haa.

Si hänn kai Mässeturm, si hänn kai FCB.
Y hätt drum dääne n arme Zircher en Idee:
Wenn iir als Wältstadt wyterhin im Gspreech wänd blyybe,
denn lend doch au emoll e Stadtroman lo schrybe.