Värsbyspiil Fasnacht 2003:

Der Kaiserin Michiko hets z Basel gfalle!
Vyyl syydigi Kinderbiecher in de MUBA-Halle!
Der Regierigsroot Conti froggt: "Frau Kaiserin,
welche Märchenbücher finden Sie glatt?"
"Ich liebe Mälchen übel Mäni Webel
und Kalli Odelmatt !"

D Basler Styyrverwaltig isch nit ganz bache!
Jetz frooge die uns, ebbs ys gfallt, was sii mache.
Niemerts bringt gäärn sy halbe Loon
em Staat - daas waiss e jeede.
Aber, danggerscheen, liebi Styyrverwaltig,
ass mer hänn deerfe driiber reede!

Der Bush mit sym IQ vonere Qualle
Will nonem Irak au no Spanie iberfalle!
Är waiss zwoor nit wo Spanie liggt,
aber er machts fir s Vatterland.
Me het em halt gsait in Spanie gäbs -
riisig vyyl Eel am Strand !