Zeerscht stryycht me d Fluugi nei,
denn stryycht me Fluug fir Fluug,
stellt Bauten uff, baut Stellen ab,
s goot Zuug um Zuug.
Dä Bau am Fluugblatz isch fir d Katz,
doch dasch egaal,
jetz git s halt d Nootschloofstell
fir s gsamte Personal.

Kuum isch sy gwäält,
zaigt d Calmy-Rey uns zallereerscht
e gwoggte Hoochsailaggt,
wo sii perfäggt beheerscht.
Au im Spagaat jongliere
fallt ere kaibe lyycht,
kai Wunder,
dass die do däm Dimitri so glyycht.

Me nimmt e Brootispfanne
und e weeni Angge,
derzue en Ai,
am Määrt bikunnsch das fir e Frangge.
Daas Ghaimrezäpt
kennt nur der Minu ganz elai
vo syner Urgrossmamme,
me sait däm Spiegelai!