Dr Schwarzenegger wird Gouvernör - do hämmer dr Verdacht,
ass erscht en implantierte Chip die Rolle meeglig macht.
Dr Bush sell au so eine ha, wo fir sy Hirni tiggt
dr Unterschiid isch ass dr ander weiss wo Eestryych liggt.

Es herbschtelet im Zyttigswald - fit isch elai dr Bligg.
Dr Platz macht Platz doch unsri BAZ isch einewäg no z digg.
Me dinnt se us zum BAEZELI - schwämpämperlig und schlapp
so schigged se - doch lieber graad - samt Bachmaa dr Bach durab

Wenn s nummen alti Manne het, syffzge vyyli Fraue,
wird s Bundeshuus in kurzer Zyt im rächte Drägg versaue.
"Schö nö croix pas", seit d Calmy-Rey und iiri Schnuure lacht,
"i bi e Frau wo mit em Blocher Friehligsbutzete macht."

Mir frooge bi men Interview dr Gross und d Gigi Oery,
ob amme nit dr Edelmaa die Zämmenarbet störy?
Do luegt ys d Gigi ganz gross aa: "Der Edelmaa - ah joo,
bi däm isch s wie bim Hamatschu - dä isch jo au no do."