Dr Vorwurf, dr Bush haig der Dienscht verwaigeret, isch gar nit nätt,
Är wär scho yygruggt, wenn är d’Kasärne gfunde hätt !

Värsli iber dr Bush dien mir jetz lo :
Dasch uff kai Fall unser Niveau !
Als Bänggler leersch als Erscht’s im Nu :
Värsli iber Behinderti sinn tabu !

S’Äss- und Dringgverbott im Drämli,
Isch e Schutz fir d’Fahrgescht nämmli !
Iss Du-n-e Börger ohni z’pflättere,
Wenn d’Drämli iber d’Trottoir brättere !

Dr „neyi“ Blocher waiss uss Erfahrig,
No ai Entglaisig : und ab in d’Verwahrig !

Dr Leuebärger mäldet stolz :
Vo Bettige bis zem Bruederholz,
Gäb’s fir alli, wo dert wohne,
Die erschti Schwiizer Poscht-Frey-Zone !

Sitt dr Blocher derf derby sy,
Isch är sanft wie dr Franz vo Assisi !

Im Tagi gitts ganz, ganz ney uff Sitte vier,
Todesaazaige fir Mensche und jetz au fir Dier.
Das Mischmasch duet uns zwai nit steere,
Will kaine waiss, zue wellere Sorte Zircher gheere !

Dr Blocher, Couchpain, Merz dien uns erlöse :
Jetz hänn au mir „eine Achse des Bösen“ !

Goufaneur – Gawener – Guwanör ?
Gouverneur - Güfernier – Gouvenör ?
Sobald är waiss, wie buechstabiere.
Foht dr Schwarzenegger aa regiere !

D’Behauptig, dr Berlusconi sigi gliftet, isch blöd,
Är hett lediglich s’Vacuum im Hirni erhöht

Sitt d’Fluugi iber d’Goldküschte giire,
Kenne d’Millionäre ebbis Wundervolls spiire !
Die erschte Aggtionär – mir diens Eych genne –
Wo ihri Dividänte heere kenne !