Es goot der Egon gärn im Wooghoof als go pfuuse.
Und noo n em Ässe goot äär mängmool kurz no uuse.
Der ainzig Underschiid zu jeedem Cliquekäller,
im Wooghoof findet me der Usgang aifach schnäller.

Es duet ganz Basel de Top Secret gratuliere.
Noo n em Ufftritt sait ain: „Ich will au probiere.“
Do maint der Cheff: - „Herr Edelmaa si mien begriffe,
fir e Drummelmarsch bruuchts aifach kaini Pfyffe!“

Es fliegt no dääglig ai Maschiine vo der Swiss,
diräggt ab Basel iiber Bärn no Disentis.
Der Dosé brichtet, äär sig zueversichtlig wie no nie,
Drotz Konkurränz vo der Modällfluggruppe Flüh.

D Queen frogt d Camilla sträng im Schloss bim tee for two:
“My dear Camilla was my Charles im Bett with you?”
Druff sait d Camilla: “s wäär jo scheen gsi aber dont’t forget,
maischtens liggt bi im der Butler scho im Bett!“

Die Hyyroot Leuenberger Sie das duet is steere.
Me stell sich vor dää will no aafoo sich z vermeere.
Mir sinn zwoor gueter Hoffnig, dass es ooni Kinder goot,
will äär bikanntlig vom Verkeer jo nyt verstoot.