Y ha d Gigi Oeri no welle dra maane,
falls sy die näggschti Saison setti blaane,
no sell si bi der Transfeerlischte unbedingt dra dängge,
der Edelmaa kasch nit verkauffe: ... so aine muesch verschängge!

Die Zaanbiirschtli vo der CVP
sin strateegisch gsee - e Fuurzidee!
Derbyy het sich der Joseph Deiss soo vyyl dervoo versproche,
doch zem butze muesch nit biirschtele: Joseph - do muesch bloche!

Wo bi de Waale in Bundesroot
s Ruthli Metzler undergoot,
do hän d Fraue e beese Gläpper griegt, und daas mit voller Wucht,
jetzt hän mer näbscht em Rööschtigraabe au none Wyyberschlucht.

Als Aida Stadischt im Joggeli
fass y e Junte und e baar Zoggeli,
derzue schmingg y miir e bruune Grind, und scho bim Yymarsch gheer y,
wie s ganze Stadion tobt und schreit: „Jä griezi wool Frau Oeri!“

Unseri Micheline vo Bäärn
lacht immer no so brait und gäärn.
Doch luege Si emool genau, y wais nit eb si s gseen?
Die lacht gar nit - im Geegedail - y glaub, die bysst uf d Zeen!