Die Sloggy-Dame bringe ys d Moral no us de Fuege:
Bevor de dert dr Tanga findsch, muesch zwaimol ane luege.
Kai Wunder het dr Jögge Schild vom PMD Bedängge:
Es fallt jo jetz erscht richtig uf, wie syni Bagge hängge !

Wo grad dr Berlusconi unter d Najmaschine ligt,
Do het dr Doggter Franggestai verständnisinnig gniggt:
S bruucht do und dert e Änderig; was gwaxe isch, mues wyche –
Ych wurd jo schliesslig au nit gärn däm Berlusconi glyche.

Bald wird bi uns e Jedi und e Jede hundertjährig –
Das isch fir all die iberfillte Altershaim d Erklärig.
Und wär denn in die volle Altershaim nim yne got,
Dä kasch jetz zwischelagere in unserem Bundesrot.