Sit em Siig in Melbourne
Duet dr Roger uns trainiere
Wenn mir die Balle dräffe
Dien mir die au retourniere
Maischtens aber heere mir
Wie s um d Oore hyylt
Jetz wisse mir wie sich dr Goali
Vom EHC so fyylt.

Das Wäggseldrama um dä Yakin
Hät nit miesse syy
Das finde nit nur d Fans
Nai au d Verhietigsindustrie
Sit em Summer muess drumm jetz
Uff jeder Paggig stoo
Vom Spiile mit Pariser kasch
E Lyschtebruch bikoo.

In e Bebbisagg pagge, im Wald vergraabe
Oder richtig balsamiere
Im Ryy versängge, als Päggli verschigge
Oder aifach komposchtiere
Entschuldigung liebs Publikum
Mir wänn nit gruusig syy
Nur wenn dä Sarg nimm zaalt wird
Muesch fir alles offe syy.