Melodie: Z Basel an mym Rhy ...

Z Basel an mym Rhy,
sinn mer gäärn derbyy.
Mit Väärs und Helge steehn mer doo,
sinn vom Soggel aabe koo,
ziehn duur d Baize, sueche uns’re Stäärn.
D Hotelkuchi hät dää Stäärn soo gäärn.

 

Melodie: Griess Gott Bäseli, sitz jetzt zue ...

Griess Gott Bebby, how are you?
Drink with me a Tea for Two.
Bii soo gligglig, tralalalala,
dass ych Frieh-Franzeesisch kaa.

 

Melodie: Wenn drey Hiehnli …

Wenn drey Hiehnli uff s Fäld wänn goo,
laufe si enander noo.
Doo kunnt ain vo dr UBS.
Mai, die Hiehnli hänn e Stress.
Und d Moral isch zletschtamänd:
Dr Ospel het jetzt s Jagdpatänt!

 

Melodie: Siibe kuugelerundi Söi ...

Dr Waagefiehrer Haiggi Hayer
schimpft bym Stainebäärg im Zwaier:
Doo lipft s aim joo dr Drämmlerhuet,
wemme d Schiine teere und fäädere duet.

 

Melodie: Schuehmächerli, Schuehmächerli …

Schuehmächerli, Schuehmächerli, waas koschted d Formel 1?
Fiir s Ziircher Fäärnseeh isch si z dyyr, sait uns’re Frind dr Heinz.
Jetzt luegt äär halt by ARD und ZDF die Renne
und d Ziircher hänn meeh Sändezyt zem iihre Böög z verbrenne.

 

Melodie: Drei Chinesen mit nem Kontrabass …

Drey Chineese in dr Martinsgass
schiffe an e Huuswand und scho isch die nass.
Doo frogt e Bolizischt waas soll dää Schaabernagg?
Pissoiltüle zu und wil kein Geld in Sagg.

 

Melodie: Dr Heiri het e Kalb verkauft …

Dr Ueli het e Gaissbogg kauft,
dr Blocher het en Zottel dauft.
Die hänn sich sälber yyneglyymt:
Wenn d dänggsch, … waas sich uff Zottel ryymt.

 

Melodie: Die Vogelhochzeit …

Steggsch d Pinguin in s Polarium,
die Griene in s Herbarium
und dr Vosseler, wenn er wiider kunnt
mit sym Beetli in s Aquarium.

 

Melodie: Theo, wir fahr’n nach Lodz …

Geo-, Geothermie,
d Äärde gumpt doo am Rhy.
Miir wisste gäärn, wohäär daas kunnt.
D Regierig maint dr diefer Grund
kennti dää Schlachtruef syy:
Wäär nit gumpt, dää isch kai Basler!

 

Melodie: Im Märzen der Bauer …

Im Kino gits Film, die geehn aim under d Huut.
Die hänn nit viil Action und sin sälte luut.
Bym Swissair-Prozäss maint dr Corti, doo hämmer
e Neiinszenierig vom «Schweigen der Lämmer».