E jeede Mitwuch git s in Bäärn e JEKAMI.
Judihui s sinn alli Bundesgleen derby.
Jä unsere Bundesroot isch kuum me z iiberbiete,
bestoot zer Zyt grad uss drei Schruube und vier Niete.

Si haisse Tigers, Lions, Flyers, hool s der Gaier.
Fir der EHC schleen mir vor Baasler Aier.
Was die als Hienerhuffe uff em Yys dien biete,
waartsch bis an Oschtere bis die e Gool uusbriete.

Der Moritz Leuebärger maint, so wie die Maischte,
es mues e Jeede halt si aige Biidraag laischte.
Äär haig im Klimasonderzuug e Suurgrut gnosse
und als Schutz fir s Klima kaine faare losse.

S Tamara laadet Prominänz zem Grille n yy.
Ceccaroni, Heeb und Eymaa sinn derby.
Me kaa das draie und au wände wie me will,
Wurscht bliibt Wurscht, ob uff em oder näb em Grill.

Wo der Pabscht am Ranze ligt so zmitts im Dom,
hänn mir gsait s bewegt sich ändlig ebbis z Rom.
Dass dää in d Gnei goot vor de Fraue duet uns guet.
Mir nämme n a, dass äär scho glyy hyyroote duet.

D Roche baut in Baasel doch e Turm - jetz mit Teerasse.
Dert kenne d Mitarbaiter in der Pause jasse.
Jetz hofft der Garte Wyss, dass s grosse Gschäft denn lauft,
wenn d Roche bi im derzue no d Graaniumkischtli kauft.

Es sait der Ali zue sim Frind em Güdül Üür:
„Wir machen Kebab aus das SVP Schwein Schlür.
Und auch den Brunner Toni können wir noch nää.
Blocher gehen nicht, weil diese Sau zu zää.“

Me hätti z Baasel gäärn e Hanspi Tschudi Strooss.
Als Anerkennig fir si Laischtig – die isch grooss.
Drumm dien mir dringlig jetz e Voorstoos unternää,
es soll in Baasel au e Couchepin-Pissoir gää.

Zmitts durch Deutschland ging die Mauer wie ein Keil.
Gerne hätten wir sie heute noch in Weil.
Wir würden eigenhändig helfen daran bauen,
damit die Deutschen uns nicht noch mehr Daten klauen.

Das Kontingänt zem Impfe, Sii das macht is Mie.
Es längt im Leimetal grad fir zwai Fäll in Flüh.
Bi dääre Blaanig kriege s die wo wänn in Duggige,
bis zu der Oschtere, kurz noo de letschte Zuggige.

Vorhand, Backhand, Slice, Return s isch ainerlai.
Es git kai Namme fir e Schlaag zwische de Bai.
S isch eerscht no gfäärlig und s basiert denn halt no gschwind,
knapp dernääbe und es git kai wyter s Kind.

S git zweeni Schwyzer Buschi sait der Guschti Salis.
Uff ai Lukas gits fimf Achmeds und vier Ali’s.
Und fir jeede Achmed bruucht s ai Minarett.
Drumm empfääle mir de Schwyzer – ab in s Bett!

Es sait ai Gaissle zue der andere, muesch loose:
„das isch e Saich mit numme n aim Paar Unterhoose.
S wäär alles halb so schlimm, do nitzt au kai Gebätt,
wenn der Merz dää Depp s Gepägg nit mitgnoo hätt.“

Bi dämm Blakaat hänn mir uns gfroggt ob das ächt stööri,
wenn statt em Huggel nääbe draa wurd stoo d Frau Oeri.
Es schafft der Stroosewischer nämmlig mit em Bääse
und d Gigi Oeri isch e bääseäänlig Wääse.