zurückzurück

Fäärimaa 2011

Fäärimaa Comite-Schnitzelbank Basler Fasnacht 2011

 

Anzahl Mitwirkende: 2
Comité-Bank seit 1998

 

 


Die ganzy Wält luegt uff Basel und isch entsetzt
mit eme Bierglaas haany e Schwimmer verletzty
haa miesse vor Gricht – joo sapperlott
jetz hett dää Richter für 10 Joor Fääri-Verbott
        
Dr Namme Blocher schwäbt über Basel, wie e Fluech
äär wird aaklagt jetz,  wääge Rootschlagsversuech
bi dr BAZ hänn sie ihm gsait: Lueg anderwyttyg
das haisst doo scho lang nümm „Nati – Zyttyg“

Das Vuvuzela – Gedröhne, das goht mir z wytt
während nüünzig Minute plus Noochspielzytt
grad nach dr WM wirds subtiler
und s näärvt my wieder dr Dany Wyler

Bi dr BP löhn sie sich nit lo lumpe
wenn s drumm goht, Äärdööl ins Wasser z pumpe
sie hänn s nit verdrait, soo erkläärt mir aine
ass es e S(c)hellfisch gitt und vo BP kaine

Und bi dr FIFA, doo gitt s e Aal, dää isch noo glatter
doo soorgt dr Blatter für syny Vetter wie e Vatter
sowohl die Vetter als au dr Blatter
fände s ohny Brichterstatter glatter

Wenn äär wuurd ässe, dr Rappaz, anstatt ummelungere
in dääre Zytt, doo miesst jo d Lunge hungere
ych haa s probiert, syny Bootschaft z entschlüssle
villicht wott äär uns saage, y haa e Sprung in dr Schüssle

Me daarf Kondoom benutze – au wenn me glaubt
dr sächzähnt Benedetto hett s ändlig erlaubt
d Froog isch, was nutzt das im Silvio, im Eerschte
s isch z befüürchte, äär bringt die Dinger jo doch zum beerschte

Sie lyyde, die Schtiehl im Schuelunterricht
vor allem z Basel hänn vyyl Jungi Üübergwicht
anstatt mehr Beweegig – es hett scho kai Zwägg
doo nimmt me ihne au no dr Harasselauf wägg

Y haa ihn gfrogt, dr Doggter FMH
ebb äär syy Doggtertitel bhalte kaa
doo sait äär – esoo darfsch nit verglyyche
es git kai Uni, wo mir kaa dää Titel stryyche

Dää Erfolg – hett dr Papscht ans Drey Köönig gschriebe
vor ihrem Koch – syyg au ihm nit verboorge bliebe
uss Basel hetts ghaisse, me wird au ihn beehre
mit däm Koch, wo me doo kaa am beschte entbehre

Bim Bsuech vo dr Doris im hooche Norde
isch unsery Hymne verwäggslet woorde
aber eins ka ich Ihne garantiere
soo öbbis wuurd mir nie bassiere