zurückzurück

Pierrot 2011

Pierrot Comite-Schnitzelbank Basler Fasnacht 2011

 

Anzahl Mitwirkende: 1
Comité-Bank seit 1988


Syt 24 Joor bini uff dr Gass,
ha als Pierrot ganz elai mi Spass,
jetzt mechti allne danggscheen saage,
wo mi das Joor no am Revers draage.

S änglische Volgg hett e Wuet,
si finde dä Blatter Sepp nit guet,j
etä wo n är s erschtmool richtig tiggt,
und sich sälber in d Wieschti schiggt.

D Stadie vo Katar blyybe nit bestoo,
afrikanischi Länder solle si bikoo,
dr Sepp wurd sogar bim verschängge,
au an die arme Zärcher dängge.

Guet ässe, Fitness, sie hänn s toll,
drum sin unseri Gfängnis alli voll,
Luxus pur fir die maischte,
das ka sich nit e jede Biezer laischte.

Zem Abschluss hett dä glaini Maa,
mit em Bündnerfleisch no e Lacher kaa,
me mungglet im e Anti-Merz Clan,
är syg jetzt Ga-Ga-Ga-Gadhafi Fan.

Bi de WM-Spiil uff SF2,
isch s lärmig gsi bi uns dehai,
aber lieber Vuvuzela bloose,
als dä Schnuuri Thurnherr loose.

Vor 30 Joor hett sich Frau Ruuch,
tätowiere loo am Buuch,
s Tattoo hett sich rächt guet ghalte,
aber ietzt isch s verschwunde, in de Falte.

FCB gege dr FCB,
y ha baidi Spiel im Färnseh gsee,
kaine macht em andere weh,
will am Schluss gwinnt io dr FCB.

ln Stall vom änglische Keenigsschlessli,
kunnt e jungs und prächtigs Ressli,
mai, wie git das Drachefuetter,
fir dr Gharles und d Schwiegermuetter.

Das macht aim scho e bitzeli weh,
iede zwaite Schurytzer liggt im Schnee,
nimmt me alli 4. Plätz, vo dääne Mimoose,l
änggts immerhin fir e Bayrischi-Läderhoose