zurückzurück

Hansli Bargäld 2018

Hansli Bargaeld Fasnacht 2018

Im Jänner in de Alpe, bin ych unterwägs.
In dr dinne Luft do gseeni, ebbis wie ne Häggs.
E Tschäggede kas nid si, sag ych mir fassigslos
Denn luegi gnauer aane:
Dasch dr Trump am WEF z’Davos

Hansli Bargaeld Fasnacht 2018

Dr Tiffy ihres Grosi, hett dr 100scht gha,
und zitteret vor Angscht, jetzt kunnt d’Ackermaa,
Ich will kei Spanisch Grippe, sunscht muessi ins Spital,
Die muess doch wirgglig Grangg sy
Lueg doch emool dä Schaal

Hansli Bargaeld Fasnacht 2018

Dr Zyrcher so als Mensch, isch aigendlig OK,
Es hett dert nätti Baize und au e scheene See,
und wenn de mit em redisch, kunnt är no rächt guet mit,
Nur eins das kasch vergässe:
Nai schutte kann er wirgglig nid!

Hansli Bargaeld Fasnacht 2018

D’Uni hett kai Gäld mee, s’isch scho zimmlig arg
und d’Landschaft wott nimm zaale, die zaalt am Schluss dr Sarg.
Jetzt muesch als Studi ryych si, damit fyrs Studium längt.
Und sällem wos kennt zaale,
hänn si Doggter eifach gschänggt.

Hansli Bargaeld Fasnacht 2018

In dr Bible stoot beschriebe was e Paradies isch
au Papers uff de Caymans, die sin paradiesisch.
E paradiesisch Paper, sag ych als Chrischt ganz fromm,
Isch ainzig und ellai nur:
E Basler Zyttig ooni Somm!

Hansli Bargaeld Fasnacht 2018

Verliirsch du amme d’Närve, wie dr Constantin,
stalksch du wie dr Buttet, nach deux Boutailles de Vin,
Machsch Kinder wie dr Christophe, fir Di gits kai Tabu,
Denn sinn dini Gschichte
uf Häschtägg Wallis too

Hansli Bargaeld Fasnacht 2018

D‘Universal Studios lytte letschtens aa
Fyr dr negschti „Shades of grey“-Film, suecht me none Maa,
Wo Geissle glepft und geil wird, und steent wie sunscht e kain.
I gib ene dr Tip:
In Sissach gits so ein!

Hansli Bargaeld Fasnacht 2018

S’Verheltnis mit dr Landschaft, isch doch zimmlig flott,
Mir gänn 80 Kischte, und sie gänn uns ai Ott,
Me sett das no forciere, s’miest mee so Handel gää
Doch fyr die Pegoraro
Git‘s beschtefalls e Frangge zää

Hansli Bargaeld Fasnacht 2018

D‘ Museumsnacht do kyrzlig, hett mi komplett verwirrt.
I ha kai Strategie gha, und mi total verirrt.
I lueg dur Lotterschiebe, gsee Gstalte wiss und faal,
I bi nid im Museum,
Daschs Bruederholzspital.

Hansli Bargaeld Fasnacht 2018

Mit mym Härzstigg Tiffy, do giigts und ych bi froo;
mit em Härzstigg vo dr S-Baan, do giigts nid eso
S’verzeegeret sich d’Blaanig, me haltet sich bedeggt,
Dr Drooscht isch dass dä Gundstai,
eso dr Wessels nimme legt.

Hansli Bargaeld Fasnacht 2018

Dä unagmässni Umgang, das derf nimm lenger sy
Eb Hose oder Umhang, me fingerlet nid dry.
Drum Maa, due das dir merge, me längt e Frau nid aa
und wenn Du’s nid kasch si lo,
Wirsch Bresidänt z’Amerika.

Hansli Bargaeld Fasnacht 2018

Dr neu Boss vo Novartis, heisst glaub Simsalabim
är sig, meint ych en Inder, dasch wyter au nid schlimm
In dr Schwyz do gäbts doch sicher, au Männer mit Verstand
Us em Baselbiet, zem Bischbill,
und s’wäri au e Schwelleland

Hansli Bargaeld Fasnacht 2018

Dr Fritzli frogt dr Papi: was heisst das: „No Billag“
dasch eifach seit dr Papi: s’Färnsee gheit ins Grab!
D’Gälder fliesse nimme, fürd SRG wird’s äng,
s’isch wyter au nid tragisch,
will die scho e Bestatter hänn.

Anzahl Mitwirkende: 5
Comité-Bank seit 2014