D‘ Comité-Bängg im Bänggler-Märt
sinn an der Fasnacht sicheri Wärt!

Si singe z’dritt, ellai, im Chor
und das scho bald syt nyynzig Joor!

Und wenn ain uffheert vo den Alte,
bruuchts Neiji, wo dä Bruuch erhalte.

Gärn diemmir neuiji Bängg beroote,
ass d‘Värs vo Aafang a scho groote.

Bi unsre Kinschtler kasch Root hoole,
fir Larve, Goschdym, Helge moole.

Und wott‘sch noo gnauer Uuskunft haa,
no lyt im Obmaa Niedermaa aa.

Dä sait der denn, was wichtig isch
und ass de bi uns richtig bisch!

Doo findsch alli Koordinate,
wenn’d bi uns als Bangg wottsch starte: